Visvang Verslag – 24 Mei 2017 (Ou Artikel)

DATUM : 24 Mei 2017

PLEK : Vosrite Fishing Adventures – Parys

TYD : 07:00 tot 16:00

GEBRUIK : Awesome Baits Produkte

So breek my 5de visvang sessie aan en ek word vandag versgesel deur Johan(Boeta) Lewis van Awesome Baits.

Net na 6 vanoggend is Boeta op die plaas en ons begin ons goed af te pak by Manapools om reg te maak vir ons dag se hengel…. Dis koud maar darm nog nie vries nie en gou gou is ons goed reg en ons kan begin hengel….

Boeta maak vir ons 2 emmers voer aan, een met Target voer en ander een Kolbou…

Al 2 is produkte van Boeta. Die Taget is ‘n lekker growwe voer wat gewig aan hom het en dan die Kolbou is ‘n “popcorn” voer met ‘n baie lekker mielie reek wat ligter is as die Target voer… Alby is binne 45 sekondes reg om te gebruik… Boeta gou 1 val elke voer ‘n bal in die water voor ons en die balle blis mooi en maak ‘n lekker voerkol….

Ek hengel weer met….

11 ft Shimano Vengeance stokke met die Shimano 5000 XTRA katrolle gelaai met 10lb Oranje Double X lyn.. Enkel hoek Rietvlei strop met M0 gewigte…

Boeta is besig om aan ‘n nuwe floatie te werk wat een van die dae op die rakke sal wees wat hy Soutie Floaties noem en met Garlic, Banana en dan ‘n Wintergreen geur wat ons gebruik vir die dag se hengel…

Boeta het ook deegies aangemaak en man kyk Boeta kan maar deegies aanmaak…. sal die resep onder gee…

Die dips hengel ons sommer so uit Boeta se hengelkas uit en die volgende het vir my gewerk vir die dag….

1. Special – Wintergreen

2. Sinba – Garlic

3. Buffel – Bloekom

4. Weerlig – Almond/Garlic

5. Krokkedil – Boeta kry net ‘n Smile op sy gesig as ek vra wat die hoofgeur is…

6. Peach – Perske

7. Passion fruit – Grenadilla

8. Almond

9. Banana – Piesang

10. Special Soutie Floats

11. Garlic Soutie Floats

12. Banana Soutie Floats

13. Almond deeg

14. Suurdeeg – Deeg wat Boeta aangemaak het met Nutty Wheat flour en suurdeeg ( Toets vir die dag)

Ek het my dag se hengel begin met –

Stok gelaai met –

Special Soutie Floatie

Plain Target voer

30 min vis aan maar verloor hom oppad wal toe.

Stok gelaai met –

Banana Soutie Floatie

Banana en Sinba op die Kolbou voer

9 min en daar is ‘n karp op die wal.

Herlaai die stokke weer met selfde kombenasies maar le te lank en ek begin rondspeel met dips om die vis aan die gang te kry… Dit is winter so die tempo is nie baie vinnig nie maar ek besluit om weer muddies te teiken en laai my 1 stok met Krokkedil op die Taget voer met daardie suurdeeg op die hoek en gooi lekker naby in… Nie lank nie en ek het ‘n muddie aan die lyn… keer op keer gooi ek dieselfde op die voerbal en dan die suurdeeg en ek is op die muddies… van hulle byt binne 5 – 9 min dan weer stadig wat ek dan eers die stok weer diep gooi en dan weer naby en dan is ek weer op die muddies… Het ook afgewissel deur ander kombenasies te gooi vir muddies maar die Krokkedil het die beste gewerk saam met die suurdeeg om muddies te vang…

Boeta het ook mooi vis aangekeur met Almond, dan weer peach saam passion fruit en ook gebruik hy die Soutie floaties en deegies….

So verander ek my stok op ‘n stadium na Weerlig toe met ‘n Garlic Soutie Floatie en 30 – 40 min het ek ‘n vis aan… soos maar met die voorige sessie verloor ek ook vis maar land heelwat meer…. Ek het ook Buffel saam Special gebruik met ‘n Bloekom floatie wat ook vir my ‘n vis of 2 gegee het….

Altesaam het ons 46 vis vir die dag gevang…. Boeta het gesorg vir mooi groot karpe en ‘n paar muddies en ek was weer muddie koning gewees….

Ek was en is regtig baie tevrede met die voer wat ons vandag gebruik het en ek gaan beslis vir my van die Taget voer aanskaf…. dis goed en dis bekostigbaar….

Daar gaan ook beslis van die Awesome baits produkte in my kas op eindig en gaan ook gereeld met dit hengel om nog kombenasies te toets…

Boeta is ook nie skaam om sy kennis te deel nie en is oop vir eenige hulp so kontak hom gerus as jy hulp nodig het met hengel…

Deeg resep… dis basies die plain Soet Wit Deeg resep en dan kan jy geur bysit soos jy wil…

1 x Teelepel Suiker

5 x Teelepels Water – koue water

Meng die water en suiker so bietjie dan begin jy 1 x teelepel meel by te voeg en te roer om te meng, voeg weer ‘n teelepel meel by en meng deur. Volgens Boeta behoort jy hier by die 4de teelepel meel ‘n tekstuur te kry waar die deeg nie meer aan die bakkie vassit nie en jy kan hom net bietjie in jou hande meng… sit in sakkie en daar het jy die deeg reg vir die dag….

Ons het die muddies en klein karpe in my hounet geplaas om ‘n groep foto te neem en die groot karpe het ons dadelik afgeneem en terug geplaas…. Hier is ons vangste vir die dag….

Ons voorspelling vir die dag was soos volg…

Dankie Johan(Boeta) Lewis vir die lekker hengeldag en ons maak gou weer so….

So mense moenie julle hengel stop in die winter nie… gaan en gaan vang vis hulle is daar en wat jy ookal in die somer gebruik gebruik dit in die winter ook… speel net rond met die hoeveelheid wat jy gebruik…..

Groete tot volgende Woensdag

Henning…

Leave a Reply

Close Menu